- СÆРЫЛ ХАСТ ФÆУЫН
- Искæй бæсты хи мæлæтмæ дæттын, хи ауæлдай кæнын.
Стонджы дын уыдзæн, дæ разы скъаппы хæринаг, дæ сæрыл хаст фæуон. (Гæбулты М. Дыккаг фембæлд.)
... Дæ хъæбултæ, бирæ цæрой æмæ сæ сæрыл хаст мæ зæронд сæр фæуа, мæ хъæбул Габрелы мын хæдзардарæгæн фæстæмæ радт. (Санахъоты Н. Дон – йæ бæх, калм – йæ ехс.)
Рынчынæн-иу нывонд куы скодтой (нæл уæрыкк, нæл фыс, нæл род), уæд-иу рынчыны бандоныл æрбадын кодтой æмæ-иу ын нывондаджы йæ сæрты æртæ хатты рахизæрдæм æрзылдтой дзургæ: «Дæ сæрыл хаст фæуæд».
Фразеологический словарь иронского диалекта. - Цхинвал:, Полиграфическое производственное объединение РЮО, 2-е дополненное издание. . Составил Дзабиты З. Т., Редактор издания Дзиццойты Ю. А..
